админ, 11 сарын 25, 2021
ТӨСЛИЙН ЗӨВЛӨХ ШАЛГАРУУЛЖ АВНА
Хөдөлмөр, нийгмийн хамгааллын яамнаас Дэлхийн банкны санхүүжилтээр хэрэгжүүлж буй “Онцгой байдлын үеийн дэмжлэг болон хөдөлмөр эрхлэлтийн төсөл”-ийн хүрээнд Хөдөлмөрийн зах зээлийг дэмжих туршилтын хөтөлбөрийг хэрэгжүүлэхэд Хөдөлмөр, халамж үйлчилгээний ерөнхий газарт дэмжлэг үзүүлж, хамтран ажиллах дотоодын зөвлөх шалгаруулж авна. Дотоодын зөвлөх нь дараах шаардлагыг хангасан байна. Үүнд:
- Хөдөлмөр, нийгмийн хамгааллын болон холбогдох бусад чиглэлээр бакалавраас доошгүй зэрэгтэй байх;
- Хөдөлмөрийн салбарт болон хөдөлмөр эрхлэлтийн чиглэлээр ажилласан 5 жилийн туршлагатай байх;
- Хөдөлмөр эрхлэлтийн бодлого, дүрэм журмын талаар мэдлэг, ойлголттой байх;
- Компьютерын хэрэглээний программ дээр ажиллах чадвартай MS office (Word, Excel, PowerPoint);
- Харилцааны өндөр ур чадвартай, багаар болон бие даан ажиллах чадвартай байх;
- Зохион байгуулах болон ажлын ачаалал даах чадвартай байх.
Зөвлөхийг Дэлхийн банкны Зээлдэгчийн худалдан авах ажиллагааны 2016 оны 7 дугаар сарын журмын дагуу сонгон шалгаруулна.
Сонгон шалгаруулалтад орох хүсэлтэй иргэд дараах баримт бичгүүдийг бүрдүүлж, Хөдөлмөр, нийгмийн хамгааллын яамны 504 тоот өрөөнд, эсхүл procurement@mesp.mn цахим хаягаар англи хэл дээр 2021 оны 12 дугаар сарын 09-ний өдрийн 12.00 цагаас өмнө ирүүлнэ үү. Үүнд:
- Анкет /CV/
- Дипломын хуулбар
- Өмнөх ажил олгогчийн тодорхойлолт /2-оос доошгүй/
- Ур чадварыг илэрхийлэх бусад баримт бичгүүд.
Холбогдох утас: 51-261416; 75057570;
АЖЛЫН ДААЛГАВАР-тай энд дарж танилцана уу.